کونړ کې یوشمېر بڼوالو ته معیاري بڼونه جوړېږي
۲۵ سلواغه ۱۴۰۳ه.ش
۱۴ شَعبان المُعَظّم ۱۴۴۶ه.ق
د کونړ د کرنې، اوبو لګولو او مالدارۍ ریاست له خوا ددې ولایت د خاص کونړ ولسوالی ۱۰۰ بڼوالو ته د مېوو معیاري بڼونه جوړېږي.
د کونړ دکرنې ریاست چارواکي وايي، چې ددې پروسې په ترڅ کې هر بڼوال ته یو جریبه او نیم جریبه بڼونه جوړېږي، چې د یادو بڼونو جوړولو په پار پر بڼوالو سپینه او توره سره هم وېشل شوي دي، چې د بڼ نور اړین توکي به وروسته ورته ورکړل شي.
همداراز، د دې بڼونو د ښه، اساسي او پایداره جوړښت لپاره، بڼوالو ته روزنه هم ورکړل شوي، چې په دې روزنه کې بڼوالو ته د ځمکې منظم چمتووالی، د نیالګیو منظم اېښودل، د نیالګیو دکتارونو ترمنځ د مناسب فاصلي پرېښودل، د اوبو د منظم سیستم رامنځته کول، او ورته اړینې سپارښتنې وشوې، ترڅو بڼونه یې په ښه توګه وده وکړي.
د دې بڼونو جوړولو موخه د بزګرانو اقتصادي ملاتړ، دایته انګورو او د پلمې مېوو پراختیا، د بزګرانو ځان بسیاینه، او د هغوی لپاره د کار زمینه برابرول دي.
