کندهار نېش ولسوالۍ کې د اوبو ۱۵زره کندې جوړې او ګټې اخیستني ته وسپارل شوې
۱۸ سلواغه ۱۴۰۳ه.ش
۷ شَعبان المُعَظّم ۱۴۴۶ه.ق
د کندهار کرنې، اوبو لګولو او مالدارۍ ریاست د خوراک او کرنې نړیوال سازمان اف اې او په مالي ملاتړ او د بشري خیریه مووسسې او ایچ ډبلیو په تخنیکي همکارۍ په نېش ولسوالۍ کې د ۴۰زره امریکایي ډالرو په ارزښت د اوبو ۱۵زره کندي جوړې او ګټې اخیستنې ته وسپارل شوې.
د اوبو یادو کندو د کېندلو چارو کې ۲۰۰ کسانو ته د کار زمینه برابره شوې وه. د کیندنې چارې د ۴۰ ورځو په اوږدو کې بشپړې شوې او هر کارکوونکي ته ۲۰۰ امریکایي ډالر ورکړل شول.
دا پروژه په دې موخه ترسره شوې چې د سیمهییزو اوسېدونکو لپاره د کار فرصتونه رامنځته کړي، د باراني اورښتونو راټولولو او د ځمکې لاندې اوبو سطحه لوړولو له لارې د بزګرانو او مالدارانو ستونزې حل کړي.
د کندهار کرنې، اوبو لګولو او مالدارۍ ریاست وایي چې د کرنې او مالدارۍ سکتور ته د ودې ورکولو او د بزګرانو او مالدارانو ستونزو د هواري لپاره تر بل هر وخت ډېره هڅه کوي.
