د ننګرهار دکرنې ریاست: نږدې ۱۲ زره کیلوګرامه جوار د رڼې بولۍ له لارې و پلورل شو
۱۳ سلواغه ۱۴۰۳ه.ش
۳ شَعبان المُعَظّم ۱۴۴۶ه.ق
د ننګرهار د کرنې، اوبو لګولو او مالدارۍ ریاست د حصارک ولسوالی د عشر مدیریت د ولسوالۍ د ګډ پلاوي په حضور کې ۱۱ زره او ۸۰۹ کیلو ګرامه جوار د ازادې او رڼې بولۍ له لارې وپلورل.
یاد جوار چې د حصارک ولسوالی د بېلابېلو کلیو بزګرانو څخه د عاملینو په مټ راټول شوي ؤ، في من جوار په ۱۵۷ افغانۍ وپلورل شو.
د ننګرهار ولایت په ټولو ولسوالېو کې د بزګرانو څخه د عشر او زکات د کړنلارې مطابق عشر راټولیږي او د رڼې بولۍ له لارې پلورل کېږي او د امارت په خزانه کې راټولېږي.
