د ننګرهار کوټ کې بزګرانو او بڼوالو ته دکتاري کرنې او یوریا سپرې په پار لازمې سپارښتنې وشوې
د ننګرهار دکرنې، اوبولګولو او مالدارۍ ریاست له خوا ددې ولایت د کوټ ولسوالی د تریلي، پاس میران او لاندې میرانو کلیو کې په سخت زړو مېوو کې د یوریا سرې استعمال او عملي جوړولو چارې ور وښودل شوې.
دغه راز دکتاري کرنې پر ارزښت، کرنیزو عملیو، ناروغیو مخنیوي، اوبو لګولو، حاصل زیاتوالي او نورو ګټو معلومات ورکړل شو. همدارنګه بزګرانو ته د کرنیز تناوب مراعتولو، د حلالو او با ارزښته نباتاتو د کرلو سپارښتني هم وشوي.
د ننګرهار د کرنې ریاست د ولسوالیو کارکوونکي هره ورځ پخپلو ولسوالیو کې بزګرانو او مالدارانو ته په بېلا بېلو برخو کې چوپړتیاوې وړاندې کوي.
