لغمان کې لسګونو بڼوالو سره دبڼوالۍ اړوند وسایلو مرسته وشوه

دلغمان د کرنې، اوبولګولو او مالدارۍ ریاست د ملګرو ملتونو دخوړو او کرنې ادارې په مالي لګښت دقرغیو ولسوالی ۱۴۴ بڼوالو ته څلور قلمه د بڼوالۍ اړوند وسایلو وېش ترسره شوه.
په دغو وسایلو کې یوپایه فلزي زینه، یو د نباتي درمل شیندلو پمپ، یودانه دښاخبرۍ اره او د ښاخبرۍ قیچي،  شامل وه.
یاد توکي د لغمان د کرنې رییس الحاج مولوي عبدالستارمحمد، د قرغیوولسوال قاري زاهدالله فاتح، دکرنې ریاست دکرنیزوچارو امر انجینربریالي همدرد، دقرغیو کرنیزو خدمتونو مدیر انجینرظابط امرخېل او دیاد دفتر ولایتي کارمندانو په لاسونو ور کړ شو.
دیادې مرستې د وېش پرمهال دکرنې رییس بڼوالو ته سپارښتنه وکړه، چې له یادو وسایلو څخه مؤثره استفاده وکړي، په شوق، علاقي او یووالي سره په خپلو بڼونو کې کار وکړي، څو دغه ولایت کې د مېوو تولیدات زیات او له دې پلوه پر ځان بسیاشي.
د لغمان دکرنې رییس زیاته کړه، چې د یادې مرستې له وېش څخه یې موخه د بڼوالو لاسنیوی او د بڼوالۍ سکتور لاپراختیا ده.