د پکتیکا په مرکز کې د قصابیو څارنه ترسره شوه  

د پکتیکا ولایت د کرنې، اوبو لګولو او مالدارۍ ریاست د څارویو روغتیا او مالدارۍ خدمتونو امریت تخنیکي او مسلکي ټیم، د ولایت مقام د خصوصي سکتور د برخې سلاکار او د ښاروالۍ ریاست مسؤلینو نن د پکتیکا ولایت مرکز ښرنې د مرکزي مسلخونو او قصابیو څخه څارنه او کنټرول ترسره کړ.
د یادې څارنې پر مهال قصابانو ته د قصابیو د حفظ الصحې اصولو مراعتولو، بازار ته د پاکې او صحي غوښې عرضه کولو او د بې‌کیفیته غوښو مخنیوی او نه پلورلو اړوند مهمې سپارښتنې وشوې.  
همدارنګه، په دې نظارت کې قصابانو ته اړوندې مسلکي لارښوونې هم وړاندې شوې ترڅو په ښار کې د غوښې کیفیت خوندي پاتې شي او د خلکو روغتیا ته زیان ونه رسېږي.  
یاده څارنه د عامې روغتیا او د مالدارۍ د سکټور د ښه والي په موخه په دوامداره توګه ترسره کېږي.