فراه کې بزګرانو ته د «یوریا سپري» جوړولو لارې چارې ښول کېږي
۲۶ لېندۍ ۱۴۰۳ه.ش
۱۴ جُمَادَى الثاني۱۴۴۶ه.ق
د فراه د کرنې، اوبولګولو او مالدارۍ ریاست له خوا ددې ولایت بڼوال او بزګرانو ته د «یوریا سپري» جوړولو لارې چارې په عملي او نظري بڼه ښودل کېږي. د فراه د کرنې ریاست چارواکي وایي، چې د بوټو د افتونو د کنټرول او دغه راز له چاپېریال څخه د بوټو د ناروغیو د پاتې شونو د له منځه وړولو په پار بزګرانو او بڼوالو ته د یوریاسپري د جوړولو د روزنیزو پروګرامونو لړۍ پیل شوې ده.
یوریا سپري د نباتي ناروغیو د کنټرول او مخنیوی په پار یو ارزانه او مناسبه محلول دی، چې د نباتاتو د ناروغیو د پاتې شونې د له منځه وړلو وړتیا لري. یاد محلول ډېر نور ګټې هم لري او ترڅنګ یې د جوړلو لارې چارې یې هم اسانه ده.
د مني په موسم کې د میخانیکي کمپاین پلي کول د نبات د آفتونو د کمولو، د چاپېریال ساتنې او د لوړ کیفیت مېوو او سبو تولید لپاره یو له اغېزمنو میتودونو څخه دی. دا طریقه د کیمیاوي درملو مصرف کمولو کې هم مرسته کوی.
