د ننګرهار وادي کرنیز امارتي شرکت د مالدارۍ فارم څخه د ننګرهار پوهنتون د وترنرۍ پوهنځي زدهکړیالانو لیدنه
د ننګرهار پوهنتون د وترنري پوهنځي د درېیم ټولګي ۶۰ تنو زده کړیالانو د ننګرهار وادي کرنیز امارتي شرکت د مالدارۍ فارم څخه لیدنه وکړه.
دغه لیدنه د درېیو استادانو، پوهنوال پیرمحمد ستانکزي، پوهندوی محمد عظیم «ابراهیم خیل» او پوهنمل حنیف الله «باوري»، په مشرۍ ترسره شوه.
د ننګرهار پوهنتون استادانو او زده کړیالانو یاده لیدنه ګټوره وبلله او د ننګرهار وادي کرنیز امارتي شرکت له مشرتابه، مالدارۍ فارم او مسؤلینو څخه یې مننه وکړه، چې د لیدنې زمینه یې برابره کړه او د زده کړیالانو پوښتنې یې په بشپړه توګه ځواب کړې.
او دغه لیدنه یې د وترنري زده کړو په برخه کې د عملي مهارتونو د زیاتولو لپاره ارزښتناکه وګڼله.
