د کندهار ارغنداب کې لسګونو بزګرانو سره مرسته وشوه

د کندهار دکرنې، اوبولګولو او مالدارۍ ریاست د «آر،یو،کې» ادارې په مالي او د اسلامي هوساینې مؤسسې په تخینکي همکارۍ ددې ولایت د ارغنداب ولسوالی ۲۱۵ بزګرانو سره د اړینو توکو مرسته وکړه.
په دې مرستې کې پنځه قلمه توکي شامل دي، چې په کې هر بزګر ته « د درمل شیندنې ډبه، لاسي ګاډۍ، یوه بیلچه، یو ریک او یو ګراف هو» ورکړل شوي دي. 
د دې توکو له وېش موخه د بزګرانو ملاتړ، د هغوی اقتصادي وضعیت ښه کول او د بیوزلۍ کچه ټېټول ښودل شوی دی.
د یادونې وړ ده، چې تر دې مخکې هم د کندهار د کرنې ریاست په هڅو، د اسلامي هوساینې مؤسسې له لورې د کندهار د ارغستان او ارغنداب په ولسوالیو کې ۷۱۵ کسانو ته بلاربې وزې هم وېشل شوې وې..