ننګرهار کې د پنځو ښارګوټو د سروې او اجارې په برخه کې کارمندانو ته روزنيز ورکشاپ دائر شو
د کرنې، اوبولګولو او مالدارۍ وزارت د اراضۍ ریاست د غير رسمي ښاري سيمو د ثبت رياست لخوا ننګرهار ولايت کې څلوېښت تنه کارکوونکو ته د سروې او اجارې په برخه کې روزنيز سمينار دائر شو.
دغه سمينار چې مشري یې د اراضۍ ادارې د غير رسمي ښاري سيمو د ثبت رییس مولوي عبدالصمد پاڅون کوي د دغه ریاست يو شمېر متخصصين او کارپوهانو ګډون درلود.
د ياد سمينار موخه د ننګرهار ولايت د پنځه ښارګوټو لکه په نهمه ناحیه کې د سرخ دېوال ښارګوټی، شپږمه ناحیه کې شمشاد مېنه، جلال آباد ښار کې د سياه سنګ ښارګوټی او د بهسود او چپرهار ولسواليو کې قاسم آباد او دولت زي ښارګوټو د کورنو د سروې او اجاره ورکولو په برخه کې د يوې ورځې لپاره دائر شو.
د يادونې وړ ده، چې دغه ښارګوټي د عدليې وزارت د ځمکو له غصب څخه د مخنیوي او د غصب شویو ځمکو د استرداد کمېسیون لخوا استرداد شوي چې وروسته له سروې څخه د يادو ښارګوټو کورنه به د اراضۍ لوی رياست له لورې مستحقو کسانو ته په اجاره ورکړل شي.
