د خوست موسی خېلو کې د محافظوي دېوال او یوه سربند د جوړولو چارې پيل شوې
۱۷ لېندۍ ۱۴۰۳ه.ش
۶ جُمَادَى الثاني۱۴۴۶ه.ق
د خوست د موسی خېلو ولسوالی په سور کلی کې د محافظوي دېوال او یوه سربند د جوړولو چارې پيل شوې دي.
د یاد ولایت د کرنې، اوبو لګولو او مالدارۍ ریاست چارواکي وایي، چې دغه محافظوي دېوال او سربند د پاملرنې مؤسسې په همکارۍ د ۲۰ زره ډالرو په لګښت جوړېږي، چې د سیمې کروندګرو ته به ګڼې اسانتیاوې برابرې شي.
دوی زیاته کړه، چې دغه محافظوي دېوال او سربند د موسی خېلو ولسوالی اړوند سور کلی کې جوړېږي، چې د رغونې چارې به یې ډېر ژر بشپړې شي.
د یادونې وړ ده، چې د غه محافظوي دېوال، د ویالې پاکارۍ او سربند په جوړېدو سره به د سیمې زرګونه جریبه ځمکه خړوبه شي، چې ورسره ۱۶۲ کسانو ته په مستقیم ډول د کار زمینه هم برابره شوې ده.
