خوست کې ۷۴ مستحقو بزګرانو ته د غنمو اصلاح شوی تخم او کیمیاوي سره ووېشل شوه
د خوست ولایت د کرنې، اوبو لګولو او مالدارۍ ریاست د بزګرانو د حاصلاتو لوړولو، کرنیزو فعالیتونو پیاوړتیا او د بزګرانو اقتصادي وضعیت د ښه والي په موخه په علیشیرو او تریزیو ولسوالۍ کې ۷۴ مستحقو بزګرانو ته د اصلاح شویو غنمو تخمونو او کیمیاوي سرو وېش ترسره کړ.
یاد وېش د کرنیزو چارو عمومي مدیریت تر څارنې لاندې، د (ان اې سي) مؤسسې په همکارۍ ترسره شو. په دې پروسه کې هر بزګر ته ۵۰ کیلوګرامه اصلاح شوی د غنمو تخم، ۵۰ کیلوګرامه توره سره، او ۵۰ کیلوګرامه سپینه سره ورکړل شوه.
دا وېش د دې ولسوالۍ د ټولو یو زر او ۹۸۲ بزګرانو لپاره د اصلاح شویو تخمونو او کیمیاوي سرو د وېش د عمومي برنامې یوه برخه وه، چې موخه یې د کرنیزو حاصلاتو زیاتوالی او د بزګرانو ملاتړ دی.
