د خوست غلام خان بندر کې ۳۶ ټنه په حشراتو ککړې وریژې بېرته پاکستان ته مسترد شوې
۲۶ لړم ۱۴۰۳ه.ش
۱۴ جُمَادَى الأول ۱۴۴۶ه.ق
د خوست ولایت د کرنې، اوبو لګولو او مالدارۍ ریاست اړوند د غلام خان بندر نباتي کرنتین مدیریت کارکوونکو د حمید الدین تڼیوال شرکت له خوا وارد شوې ۳۶ ټنه وریژې له نیږدې وڅېړلې. د چیک او کنټرول په پایله کې یې معلومه شوه چې یادې وریژې په نباتي حشراتو او چینجیو ککړې دي، نو بېرته پاکستان هېواد ته مستردې شوې.
د خوست د کرنې ریاست له ټولو سوداګرو څخه هیله لري چې د باکیفیته محصولاتو واردولو ته پام وکړي، ترڅو زموږ درانه هېوادوال له صحي او پاکو محصولاتو ګټه واخلي.
