د لغمان د کرنې رییس علینګار کې د سړې خونې د بیارغونې له پروژې څارنه وکړه
۱۹ لړم ۱۴۰۳ه.ش
۷ جُمَادَى الأول ۱۴۴۶ه.ق
د لغمان د کرنې، اوبولګولو او مالدارۍ رییس مولوي عبدالستار محمد علینګار ولسوالۍ ته د خپل سفر پر مهال د کرنې ریاست اړوند د سړې خونې د بیارغونې له پروژې د کارونو څخه څارنه وکړه او د پروژې مسؤل ته یې د کار د لوړ کیفیت سپارښتنه وکړه.
د لغمان د کرنې، اوبولګولو او مالدارۍ رییس مولوي عبدالستار محمد علینګار ولسوالۍ ته په خپل وروستي سفر کې د سړې خونې د بیارغونې پروژې ترسره شوې او روانې چارې له نږدې ولیدلې. نوموړي د پروژې مسؤل ته سپارښتنه وکړه چې د پروژې کارونه دې په ښه کیفیت ترسره کړي.
د یادې سړې خونې د بیارغونې پروژه د افغانستان اسلامي امارت د پراختیایي بودیجې په ملاتړ پیل شوې ده او موخه یې په سیمه کې د کرنیزو محصولاتو ساتنه او د کروندګرو لپاره اسانتیاوې برابرول دي.
