د خوست ځاځي میدان کې ۲۱۱مستحقو بزګرانو ته د اصلاح شویو تخمونو او کیمیاوي سرو وېش وشو

د خوست ولایت د کرنې، اوبو لګولو او مالدارۍ ریاست تر چوکاټ لاندې د ځاځي میدان ولسوالی کرنیزو چارو عمومي مدیریت د«ان،اې،سي» مووسسې په همکارۍ په ځاځي میدان ولسوالۍ کې ۲۱۱ مستحقو بزګرانو ته د اصلاح شويو غنمو تخمونه او کیمیاوي سرې ووېشلې.
د دې وېش موخه د بزګرانو د حاصلاتو لوړوالی او کرنیزو فعالیتونو پیاوړتیا ده. چارواکي وايي چې د اصلاح شويو تخمونو وېش به د بزګرانو په اقتصادي وضعیت کې ښه والی راولي او د حاصلاتو کیفیت به لوړ کړي. 
د «ان،اې،سي» مووسسه، چې د کرنیزو پروژو په برخه کې کار کوي، په دې سیمه کې له کروندګرو سره د همکارۍ لپاره ژمنه ده او د یادو مرستو د دوام یادونه کوي.