د قوش تېپې کانال ځمکو د سروې او تصفيې په پار د اراضۍ لوی رییس په مشرۍ پلاوی بلخ ولایت ته سفر وکړ
د کرنې، اوبو لګولو او مالدارۍ وزارت د اراضۍ لوی رییس مولوي محمود مظلوم په مشرۍ د تصفيې، کدستر او د اراضۍ لوی رياست تخنيکي او حقوقي سلاکارانو په ګډون پلاوی بلخ ولایت ته سفر وکړ.
د ياد سفر موخه د عالیقدر امیرالمؤمنین (حفظه الله تعالی) د حکم په اساس ملي پراختيا شرکت لپاره د قوش تېپې کانال لس لکه جريبه ځمکه د صنعتي او کرنيز کمپلکسونو د جوړولو په پار ترسره شوې ده.
د اراضۍ لوی رییس مولوي محمود مظلوم د قوش تېپې کانال ځمکو د لېدنې څخه وروسته د سروې او تصفيې ټيمونو ته لارښوونه وکړه، چې د افغانستان اسلامي امارت د مشرتابه د حکم په اساس د دغه کانال هغه ځمکې، چې د دغو کمپلکسونو د جوړولو لپاره مناسب وي هغه دې سروې او تصفيه کړي او وروسته له هغه دې خپل د اجراآتو پايله د اراضۍ لوی رياست له مقام سره شريک کړي.
ورپسې د اراضۍ لوی رياست سلاکارانو او تخنيکي کارکوونکو د دغه کار د ښه عملي کېدو په پار يې خپل نظرونه او وړانديزونه د اراضۍ لوی رئیس سره شريک کړل.
په پای کې ښاغلي مظلوم ټولو کارکوونکو سره د هر ډول همکارۍ تر څنګ هغو ته په ورسپارل شوي مسؤلیت کې د برياليتوب هیله هم وکړه.
