کندهار کې د امارتي ځمکو د غصب مخنیوی او غصب شویو ځمکو د بېرته راګرځولو تخنیکي پلاوی غونډه

دکندهار ولایت د امارتي ځمکودغصب مخنیوی اوغصب شویوځمکو بېرته راګرځولو تخنیکي ټیم د یاد تخنیکي پلاوی رییس مولوي فضل الباري فضلی په مشرۍ غونډه دائره کړه.
د غونډې په پيل کې دکندهار دکرنې رييس او د کمېټې مشر مولوي فضل الباري فضلي لارښوونکې وینا ترڅنګ د پلي شویو چارو ارزونه یې وکړه.
په دې غونډه کې د بېلابېلو موضوعاتو تر څنګ د غصب شویو ځمکو په اړه وړاندې شوې عریضې او دوسیې په جدي توګه وڅېړل شول، او په اړه یې لازمې پرېکړې وشوې. د هرې دوسیې د اهمیت له مخې، د هیئت غړو د ځمکو د غصب د ستونزو د حل لپاره خپل نظریات وړاندې کړل او د حل لپاره یې عملي ګامونه په پام کې ونیول.
وروستیو کي تخنیکي پلاوي د یوشمېر مراجعینو املاکي ستونزې په مخامخ ډول واورېدې او د ستونزو د حل په برخه لازمې کړنې او پرېکړې وکړې.