د خوست باک کې زر اړمنو بزګرانو ته د اصلاح شویو تخمونو او کیمیاوي سرو وېش ترسره شوه
۲۶ تله ۱۴۰۳ه.ش
۱۴ رَبِیعُ الْثاني ۱۴۴۶ه.ق
د خوست ولایت د کرنې، اوبو لګولو او مالدارۍ ریاست په چوکاټ کې د باک ولسوالی کرنیزو چارو عمومي مدیریت، د (اېن اې سي) مؤسسې په همکارۍ، په باک ولسوالۍ کې زر اړمنو بزګرانو ته د اصلاح شويو غنمو تخمونو او کیمیاوي سرو وېش ترسره کړه.
د دې مرستې موخه د کرنیزو حاصلاتو زیاتوالی او د بزګرانو اقتصادي وضعیت ښه کول دي. د کرنې ریاست چارواکو ویلي، چې په راتلونکي کې به هم د ورته پروژو له لارې د بزګرانو ملاتړ ته دوام ورکړي.
د خوست ولایت کرنې، اوبو لګولو او مالدارۍ ریاست په دې وروستیو کې د بېلابېلو نړيوالو او محلي مؤسسو په همکارۍ په یو شمېر ولسوالیو کې د بزګرانو د ملاتړ لپاره کرنیزې پروژې پيل کړي، چې موخه یې د کروندګرو د حاصلاتو زیاتول او د خوست ولایت کرنیز سکتور پیاوړي کول دي.
