د کابل کلکان کې سلګونه بزګرانو ته د غنمو اصلاح شوي تخمونه او سره ووېشل شوه
٢۴ تله ۱۴۰۳ه.ش
۱۲ رَبِیعُ الْثاني ۱۴۴۶ه.ق
د کابل په کلکان ولسوالی کې د کرنیزو چارو عمومي مدیریت د پکو مؤسسې په همکارۍ ۷۰۰ بزګرانو ته د غنمو اصلاح شوي تخمونه، توره او سپینه سره ووېشله.
د کلکان د کرنیزو چارو عمومي مدیریت مسؤلینو ویلي، چې په دې پروسه کې هر بزګر ته ۵۰ کیلوګرامه د غنمو اصلاح شوی تخم، ۵۰ کیلوګرامه توره سره او ۵۰ کیلوګرامه سپینه سره ووېشل شوه.
د دې پروژې موخه د کرنې د پرمختګ او د بزګرانو د حاصلاتو زیاتول دي، چې د پکو مؤسسې په همکارۍ ترسره کېږي. کلکان ولسوالۍ یو له هغو سیمو څخه ده چې کرنیز فعالیتونه پکې زیات دي، او دا ډول پروژې کولای شي د بزګرانو اقتصادي وضعیت باندې مثبت اغېز وکړي.
