زعفرانو دودولو په پار هڅې؛ فراه کې د زعفرانو پیاز ووېشل شو
۲۲ تله ۱۴۰۳ه.ش
۱۰ رَبِیعُ الْثاني ۱۴۴۶ه.ق
د فراه دکرنې، اوبولګولو او مالدارۍ ریاست د «سي،اچ،اې» مؤسسې په تخنیکي همکارۍ ددې ولایت د مرکز او بالابلوک ولسوالی کې پر یوشمېر کروندګرو د زعفران پیاز وېشلي دي.
د فراه د کرنې ریاست د چارواکو په خبره ددې مرستې په ترڅ کې پر۲۰۰ بزګرانو ۲۰۰ کیلوګرامه د زعفرانو پیاز او ۱۳ قلمه توکي د زعفرانو د کرکېلي او ټولولو توکي وېشل شوي دي، چې موخه یې د بزګرانو ملاتړ او په ټوله کې په دې ولایت کې د زعفرانو کرکیلې دودل دي.
فراه د زعفرانو تولید لپاره مناسب اقلیم لري، چې تر دې مخکې هم په دې ولایت کې د زعفرانو کرودې ښه پایله ورکړې وه.
