ننګرهار کې پر ٢٠ بزګرانو د شفتلې اصلاح شوي تخم او کیمیاوي سرې ووېشل شوې
١٨ تله ۱۴۰۳ه.ش
٦ رَبِیعُ الْثاني ۱۴۴۶ه.ق
د ننګرهار د کرنې، اوبو لګولو او مالدارۍ ریاست سره په همغږۍ د افغانستان لپاره د هالینډ کمیټې له لورې ۲۰ تنو ته د څارویو وښو زیاتېدو په موخه د شفتلې اصلاح شوي تخم، کیمیاوي سرې او کرنیز وسایل ورکړل شو.
د ننګرهار د کرنې، اوبو لګولو او مالدارۍ رییس مولوي محمد ولي محسن وویل د هالینډ کمیټه په بهسود، کوزکونړ او چپرهار ولسوالیو کې ۲۰ تنو بزګرانو او مالدارانو ته دنیم جریب ځمکې لپاره د مالدارۍ پیاوړتیا او د علوفه جاتو زیاتوالي،ترویج او باکیفیته غذایي موادو برابرولو په موخه تخمونه ووېشل.
ښاغلي محسن وویل هر بزګر ته د شفتلې تخم، توره سره، یوریا سره، بېلچه او پنجي د کرنیزو عملیو ترسره کولو په پار ورکړل شو.
نوموړې زیاته کړه یادو بزګرانو ته د کښت، اوبو لګولو، هرزه وښو کنټرول او نورو اړونده برخو کې روزنه هم ورکړل شوې ده.
