دکرنې وزارت له خوا ټرانسپورټ او هوایي چلند وزارت ته په دوو ولایتونو کې نږدې ٢٥٠جریبه ځمکه ولېږدول شوه
١٥ تله ۱۴۰۳ه.ش
٣ رَبِیعُ الْثاني ۱۴۴۶ه.ق
د کرنې وزارت د اراضۍ لوی ریاست چارواکي وایي، چې د جوزجان ولايت مرکز او آقچې ولسوالی کې او همدارنګه د هرات ولایت ګذرې ولسوالی کې د الکترونيکي دروازو او تيرپارکونو د جوړولو په موخه د اراضۍ لوی رياست لخوا ترانسپورټ او هوايې چلند وزارت ته ٢٤٧ جريبه ځمکه انتقال شوه.
په همدې موخه ناسته کې چې د کرنې، اوبولګولو او مالدارۍ وزارت د اراضۍ په مقام کې جوړه شوې وه د کرنې وزارت د د اراضۍ ریاست دځمکو د انتقال او وېش رییس مولوي سيد محمد سعيد او د ټرانسپورټ او هوايي چلند وزارت د پروژو د پلانګذاری د تحقیق او تطبيق رییس داکتر رستم حفيظیار ګډون درلود.
یاده ځمکه د ترانسپورت او هوايي چلند وزارت د (۱۹۶) ګڼې ۱۹/۱۱/۱۴۴۵ نېټې وړانديز او د عالیقدر امیرالمؤمنین حفظه الله تعالی د (۵۸۷۹) ګڼې ۱/۱۲/۱۴۴۵ نېټې حکم په اساس جوزجان ولايت مرکز او آقچې ولسوالی کې او همدارنګه هرات ولایت ګذرې ولسوالی کې په (۲۴۷) جريبه ځمکه باندې د الکترونيکي دروازو او تيرپارکونو د جوړولو په موخه د اراضۍ لوی رياست لخوا ترانسپورټ او هوايې وزارت ته انتقال شوه.
د یادې ځمکې د لېږد ټړون د کرنې وزارت د اراضۍ لوی ریاست د ځمکو د انتقال او وېش رییس مولوی سید محمد سعید او د ترانسپورت او هوايي چلند د پروژو د پلانګذاری د تحقیق او تطبيق رییس داکتر رستم حفيظیار د ترمنځ لاسلیک شو.
