په خاکجبار ولسوالی کې د زعفرانو بزګرانو ته عملي ټرینینګ پیل شو
په خاکجبار ولسوالۍ کې د زعفرانو کرلو په برخه کې بزګرانو ته عملي ټرینینګ پیل شو. په دې ټرینینګ کې بزګرانو ته د زعفرانو کرلو او پروسس کولو اړوند مهم مهارتونه ور زده کیږي. د دې روزنې هدف د بزګرانو د مهارتونو لوړول او د زعفرانو تولید ته وده ورکول دي.
بزګران په ټرینینګ کې د زعفرانو لپاره د مناسبې ځمکې انتخاب، د ځمکې نقشه، د بوټو او قطارونو ترمنځ فاصله ټاکل، د څارويو او کیمیاوي سرې مناسب مقدار، اوبو ورکول، او د حاصل راټولولو، وچولو او زېرمه کولو مهارتونه زده کوي.
دا په داسی حال کی ده چی څو ورځې وړاندې د پکو موسسې له لوري د خاکجبار ولسوالۍ ۱۰۰ بزګرانو ته ۲۰۰ کیلوګرامه زعفران او اړوند وسایل د زعفرانو تولید په برخه کې مرسته شوی وه.
