کاپیسا کې د ځمکې غصب او غصب شويو ځمکو بېرته راکرځولو کمېټې غړو له مرستیال والي سره وکتل

کاپیسا کې د ځمکې غصب او غصب شويو ځمکو بېرته راکرځولو کمېټې غړو د کاپیسا دکرنې رييس مولوي محمدرحیم نعماني په مشرۍ ددې ولایت مرستیال والي شیخ الحاج اسدالله «سنان» سره په کتنه کې پر بېلابېلو موضوعاتو خبرې اترې وکړې.
د غونډې په پيل کې د کاپیسا دکرنې رييس او د کمېټې مولوي محمدرحیم نعماني ددې کمېټې د کړنو او لاسته راوړنو په هکله خبرې وکړې او ترڅنګ یې د کمېټې ستونزې او ننګونې هم له مرستیال والي سره شریکه کړه.
د غونډې په ترڅ کې پرځینو مسایلو لکه مرکزي کمیسیون څخه د استول شویو دوسیو او د قضایای امارت له خوا پر ترتیب شویو موضوعاتو خبرې وشوې.
دغه راز د غونډې په ترڅ کې پر یوشمېر نورو مهمو موضوعاتو هم خبرې وشوې او د عاریضونو دوسیې او ستونزې وڅېړل شوې.