کندهار څېړنیز فارم کې د لومړي ځل لپاره پر تیلې نباتاتو څېړنې شوې
۲ تله ۱۴۰۳ه.ش
۲۰ رَبِیعُ الْأَوَّل ۱۴۴۶ه.ق
د کندهار دکرنې، اوبولګولو او مالدارۍ ریاست چارواکي وایي، چې د یاد ریاست په څېړنیز فارم کې د لومړي ځل لپاره پر تیلي نباتاتو څېړنې پای ته ورسېدې.
د چارواکو په خبره د کندهار د کرنې ریاست په څېړنیز فارم کې پر زر مترمربع ځمکه کې د لمرګل پنځه ډوله کرل شوي ؤ، چې پر یادو ډولونو څېړنې ترسره شوي دي.
په دغو څېړنیزو بوټو کې دوه ډوله ترکي، یو ډول ازبیکستاني او دوه ډوله وطني ورایټۍ شامل دي.
ددې څېړنې په ترڅ کې دټیکا کمپنۍ پر دوه ډوله ډوله ترکې ورایټۍ، چې چې یو ډول څخه یې د خوراک په منظور او دوهم ډول ورایټې څخه یې د غوړیو په جوړولو کې استفاده کیږي څیړنې ترسره شوي. یادې څیړنې د روان کال په جوزا میاشت کې راپیل شوې وه، چې د وږې میاشتۍ په وروستې کې یې کرنیزي عملیې پای ته ورسېدي.
په کندهار کې دا لومړي ځل دی، چې د تیلې نباتاتو پر (۷۲) ډوله ورایټیو څیړنۍ ترسره کېږي. ددغو څېړنیو موخه په کندهار کې د بزګرانو لپاره د کوکنار نبات بدیل نبات موندل، د سیمې آب هوا سره توافق لرونکي بوټې پېژندل او د بزګرانو ملاتړ دی.
