کندهار کې دڅارویود پوستکي ناروغۍ پر وړاندې دواکسین پیل شو
۳۱ وږی ۱۴۰۳ه.ش
۱۸ رَبِیعُ الْأَوَّل ۱۴۴۶ه.ق
د کندهار ولایت دکرنې، اوبولګولواو مالدارۍ ریاست دملګرو ملتونو دخوړو اوکرنې ادارې په همکارۍ د کندهار په کچه د څارویو دپوستکي ناروغۍ پر وړاندې د واکسین کولوکمپاین کړی دی.
په همدې موخه د کندهار په لسو ولسوالیو او ۱۵ ناحیو کې د لمپې سکين ويروسي ناروغۍ مخنیوی په موخه د واکسين دتطبيق عملي چارې پیل شوي دي.
دغه پروسه چې د «اف،اې،او» دارې په مالي همکارۍ ترسره کېږي، ددې ولایت په ۱۰ ولسوالۍ او ۱۵ ناحیو کې کې په لاره اچول شوی دی، چې په ترڅ کې به یې ۵۵ زره ډوزه واکسین پر څارویو پلي شي.
تر دې مهاله په دې ولایت کې سلګونه غواګاني واکسین شوي دي، چې د یاد ولایت دمالدارۍ آمر لخوا یې وخت په وخت نظارت ترسره کېږي.
