د کرنې وزارت د اراضۍ لوی رییس سرې میاشتې لپاره د ځمکې اړتیا معلوملو په پار ننګرها ته سفر وکړ

۳۱ وږی ۱۴۰۳ه‍.ش
۱۸ رَبِیعُ الْأَوَّل ۱۴۴۶ه‍.ق
د کرنې، اوبو لګولو او مالدارۍ وزارت د اراضۍ لوي رییس مولوي محمود مظلوم په مشرۍ پلاوي په ننګرهار ولایت کې دافغاني سرې میاشتي لپاره د ځمکي اړتیا معلومولو په موخه ننګرهار ولایت ته سفر وکړ.
د اراضۍ لوي رییس مولوي محمود مظلوم وویل، چې د امیر المومنین حفظه الله د حکم پر ځای کولو او د سرې میاشتي ریاست لپاره د ځمکي اړتیا معلومولو، انتقال، موقعیت او نورو اړونده برخو کې د سلا مشورو لپاره د ننګرهار والي او ځایي مسولینو سره ناستې او خبرې اترې کړي دي.
ښاغلي مظلوم وویل، هڅه کوي پدي برخه کې دقیق معلومات را ټول او د امیر المومنین حفظه الله سره د وروستي اجرآتو په موخه شریک کړي.
افغاني سرې میاشتي د خپلو اړتیاوو پوره کولو او ورځني کارونو دښه پرمخ وړلو لپاره د یو اندازه ځمکي غوښتلو وړاندیز کړي وو.