پکتیا کې د جلغوزیو د پروسس او بستهبندۍ معیاري کارخونه جوړیږي
۲ لړم ۱۳۹۸
په پکتیا کې د لومړي ځل لپاره د جلغوزیو د پروسس او بستهبندۍ معیاري کارخونه جوړېږي.
جلغوزه د افغانستان هغه محصول دی، چې په وروستیو کلونو کې ورته لازمه پاملرنه شوې او اوس افغان حکومت او خصوصي سکټور غواړي په دې برخه کې لازمه پانګونه وکړي.
د یاد جوړېدونکي کارخونې مشر محبوب الله وویل، چې په دغه کارخونه کې شپږ میلیونه او دوه لکه امریکایي ډالر لګول کیږي.
نوموړي زیاته کړه چې د یاد کارخونې په جوړېدو سره به د اقتصادي ودې تر څنګ خلکو ته د کار زمینه هم مساعده شي.
اوسمهال په هېواد کې ۴۳ زره هکټاره ځمکه په پکتیا، خوست، پکتیکا، ننګرهار او لغمان کې د جلغوزیو په ونو پوښلې ده.
په افغانستان کې د جلغوزیو د پروسس او بستهبندیو د کارخانونو په جوړېدو سره به د افغانستان جلغوزې نړیوالو بازارونو ته د دغه هېواد په نوم صادر شي، بله دا چې دغه جلغوزې د افغانستان په برانډ يا نوم باندې اروپا او د منځنۍ اسیا هېوادونو ته صادرېږي چې پخوا داسې نهو.
جلغوزې او زعفران د افغانستان هغه محصولات دي، چې په نړیواله کچه ښه بازار لري او د کرنې وزارت دې برخې ته لا ډېره پاملرنه کړې ده.