ننګرهار کې د اصلاح شوي تخمونو کیفیت ښه والي او تولید زیاتوالي په موخه د همغږۍ ناسته وشوه
۲۱ وږی ۱۴۰۳ه.ش
۸ رَبِیعُ الْأَوَّل ۱۴۴۶ه.ق
دکرنې، اوبو لګولو او مالدارۍ وزارت د تخمونو تصدیق ورکونې رییس مولوي صدیق الله رحماني، د ننګرهار دکرنې، رییس مولوي محمد ولي محسن سره د تخمونو کیفیت لوړوالي، بنیادي او تصدیقي تخمونو تولید په موخه د ننګرهار د کرنې ریاست په دفتر کې ناسته وکړه.
مولوي صدیق الله وویل، چې د کرنې، اوبو لګولو او مالدارۍ وزارت د پالیسۍ مطابق د خوړو خوندیتوب او له کمې ځمکې څخه د زیات حاصل ترلاسه کولو په پار باید اصلاح شوي تخمونه تولید او ترویج شي.
ښاغلي رحماني وویل، هڅه کوي په شرکتونو باندې د غنمو اصلاح شوي تخمونه پر خپل وخت پاک کړي او بزګرانو ته یې په واک کې ورکړي.
نوموړي وویل سږ کال د کرنې وزارت زرګونه بزګرانو ته د غنمو اصلاح شوي تخمونه او کیمیاوي سرې هم د همکارو موسساتو په مرسته وېشي.
د ننګرهار دکرنې رییس وویل په ننګرهار کې د تخمونو د پاکولو پروسه په ښه شکل روانه ده، او ټولو برخو کې د کرنې، اوبو لګولو او مالدارۍ وزارت مقام د لارښونو مطابق به پر خپل وخت اجرآت ترسره کړي.
