پاکستان ته په غير قانوني ډول د پسونو د قاچاق مخه ونیول شوه
د کندهار ولايت د کرنې، اوبولګولو او مالدارۍ رياست وایي، چې ددې ولايت د امنيتي ځواکونو په همکارۍ د تېرې یوې میاشتې په لړ کې د معروف په ولسوالی کې د دوه زره او ۵۱۵ پسونو د قاچاق مخه نیول شوې، چې په غير قانوني ډول پاکستان ته لېږدېدل.
د دوی په خبره په دې تړاو کسان نیول شوي دي او د لازیاتو څېړنیو لپاره اړوندو ارګانونو ته سپارل شوي دي.
دا په داسې حال کې ده، چې میاشت مخکې هم په یاده ولسوالی کې سلګونو پسونو د قاچاق مخه نیول شوې وه.
باید وویل شي،هېڅوک حق نلري چې په غير قانوني ډول مالونه نورو هېوادونو ته ولېږدي.
