ننګرهار کانال شرکت کې د زیتونو اچارو د تولید کچه ۳۰ ټنه اټکل شوی
۲۰ وږی ۱۴۰۳ه.ش
۷ رَبِیعُ الْأَوَّل ۱۴۴۶ه.ق
د ننګرهار دکانال ریاست چارواکي وایي، چې د یاد ریاست اړوند د زیتونو بڼونو حاصلاتو څخه به سږ کال ۳۰ ټنه د زیتونو اچار تولید شي، چې د تېر کال په پرتله زیاتوالی ښیي.
د ننګرهار کانال شرکت چارواکي وویل، چې تېر کال ددې شرکت اړوند د زیتونو حاصلاتو څخه ۱۲ ټنه د زیتونو اچار تولید شوې وه، خو سږکال به له دغو زیتونو دانو څخه ۳۰ ټنه د زیتونو اچار تولید شي.
د اچارو او تېلو تولید هم د ننګرهار زیتونو فابریکه کې کېږي. د ننګرهار د کانال شرکت اړوند پر ۳۱۰۰ هکټاره ځمکه د زیتونو بڼونه جوړ وو چې د دغو بڼونو ډېرې ونې د کورنیو جګړو پر مهال له منځه وړل شوي او اوس یې یوازې ۱۷۲۰ هکټاره بڼونه زیتون ورکوي او ۱۳۸۰ هکټاره بڼونه یې لهمنځه تللي دي.
د ننګرهار کانال شرکت پلان لري، چې ننګرهار کې پر لسګونه هکټاره ځمکه د زیتونو تازه بڼونه جوړ کړي.
د زیتونو دغو بڼونو کې ګڼ شمېر کسانو ته کاري موکې هم برابرې شوې دي.
