ننګرهار کې ۲۹۰ سره څاروي د رڼې بولۍ له لارې وپلورل شول

د ننګرهار د کرنې، اوبولګولو او مالدارۍ ریاست اړوند د زکات امریت کارکوونکو له لورې په کوزکونړ، بهسود او کوټ ولسوالیو کې ۲۹۰ سره مېږي او وزې راټولې او د یوې رڼې بولۍ له لارې وپلورل شول او پیسې یې د امارت په خزانه کې راټول شو.
د زکات امر مولوي محمد قاسم حماسي وویل د دوی مسولینو له لورې په هسکه مېنه، رودات او پچیراګام ولسوالیو کې د زکات راټولولو او حسابۍ لړۍ جریان لري؛ او په نږدې راتلونکي کې به د دوی راټول شوي څاروي هم د شفافي بولۍ له لورې وپلورل شي او پیسې به یې د امارت خزانې ته راټول شي.
ښاغلي حماسي د ولسوالیو ولسوالانو، مرستیالانو او د زکات مدیرانو سره په ناسته کې د زکات راټولولو، ولسونو سره د غوره چلند، عامه پوهاوي او ګڼو نورو برخو کې د روڼتیا او صله رحمي سپارښتنې وکړې.
همدارنګه زکات امریت کارکوونکو د معلوماتو په اساس کوچي مالدارانو د دوی څخه د څارویو د پاللو، واکسینونو،  چنجیو ضد درملو، حیوانې خوراکې او نورو برخو کې د همکارۍ غوښتنې کړې؛ چې د مسؤلینو له لورې ورته د مرستي ډاډ ورکړل شو.