خوست کې د مالدارۍ سکټور پراختیا او بې وزله کورنیو اقتصادي پیاوړتیا په پار یوشمېر کورنیو سره مرشته وشوه
۱۵ وږی ۱۴۰۳ه.ش
۲ رَبِیعُ الْأَوَّل ۱۴۴۶ه.ق
د خوست دکرنې، اوبولګولو او مالدارۍ ریاست چارواکي وایي، چې د یاد ریاست د مالدارۍ او حیواني روغتیا امریت تر څار لاندې د افغان پرمختیایي «اې،ډي،اې» مؤسسې په همکارۍ په دې ولایت کې د مالدارۍ سکټور د ودې او پراختیا او د بې وزله کورنیو اقتصادي پیاوړتیا په پار پر یوشمېر کورنیو «وزې، اوښ مارغه، کبان» او د څارویو خوراکي او اړین توکي وېشل شوي دي.
د خوست دکرنې ریاست چارواکي وویل، چې ددې پروګرام په پلي کولو سره د خوست ولایت د یوشمېر مالدارانو ستونزې هوارې او د بې وزله کورنیو اقتصادي پیاوړتیا ته به زمینه برابره شي.
ددې پروګرام د پلي کېدو موخه د مالدارۍ سکټور ودې او پراختیا او په ټوله کې د بې وزله کورنیو اقتصادي پیاوړتیا ته زمینه بربرول دي.
