د لوګر د کرنې رییس د سیاه کوه سیمې له مشرانو سره و کتل
۱۱ وږی ۱۴۰۳ه.ش
۲۸ صَفَر المُظَفَّر ۱۴۴۶ه.ق
د لوګر دکرنې، اوبولګولو او مالدارۍ رییس مولوي عبدالروف سعید، مرکز ته اړوند د سیاه کوه سیمې له مشرانو سره وکتل او د طبیعي ځنګلونو د قطع کولو د مخنیوي په برخه کې یو لړ اړینې پریکړې وشوې.
لومړیو کې د سیاه کوه سیمې مشرانو د کرنې، مالدارۍ او طبیعي ځنګلونو په برخو کې خپلې ستونزې، وړاندیزونه او غوښتنې شریکې کړې او ترڅنګ یې یادو برخو کې د هر راز همکاریو ژمنې هم وکړې.
ورته مهال دلوګر د کرنې او مالدارۍ رییس مولوي عبدالروف سعید یادو مشرانو ته د ښه راغلاست ترڅنګ وویل؛ د کرنې، مالدارۍ او طبیعي ځنګلونو ساتنه او پیاوړتیا زموږ له مسؤلیتونو څخه دی او هڅه کوو، چې په دغه برخو کې د خپلو ولسونو د پرځان بسیاینې لپاره ورځ تر بلې کوټلي ګامونه اوچت کړو.
ښاغلي سعید د سیاه کوه سیمې له مشرانو غوښتنه وکړه، چې په سیمه کې له شته طبیعي ځنګلونو څخه د ساتنې برخه کې د کرنې اومالدارۍ ریاست سره پوره همکاري وکړي.
