لوګر کې یو شمېر مالدارانو سره د څارویو د خوراکي توکو مرسته وشوه
د لوګر دکرنې، اوبولګولو او مالدارۍ ریاست د افغانستان لپاره د هالند کمیتې په همکارۍ ددې ولایت د خروار ولسوالی ۸۰ تنو اړمنو مالدارانو ته د څارویو خوراکي توکي ووېشل.
د خروار ولسوالی د کرنیزو خدمتونو مدیر مولوی نورالحق امدادالله د یادې مرستندویه مؤسسې له مسولینو څخه د مننې ترڅنګ هغوی ته د هر راز همکارۍ ډاډ ورکړ او مالدارانو ته یی په خطاب زیاته کړه کومه مرسته چې تاسو ته درکول کېږي باید تخنیکي لارښونو سره سم یې خپلو مالونو ته ورکړئ.
باید وویل شی د دې پروسې په لړ کې هر مالدار ته د څاریو ۱۰۰ کیلوګرامه خوراکي توکي وېشل شوي دي.
په لوګر کې ددغه راز مرستو څخه موخه د مالدارانو لاس نیوی، د مالدارۍ سکټور د پیاوړتیا او د لبني محصولاتو د زیاتوالۍ ښودل شوی دی.
ویل کېږي برابرشوي خوراکي توکي له زیاتو تغذیه کوونکو توکو څخه جوړ شوي دي، چې د وزو، وري او غوا په چاقولو کې به اساسي رول ولري.
هیره دې نوی یادې مرستې په داسې حال کې وېشل کېږي، چې له دې وړاندې په مرکز او ځینو ولسوالیو کې مالدارانو ته دغه شان مرستې وېشل شوې وې.
