کندهار کې د جوارو په حاصلاتو کې لس سلنه زیاتوالی راغلی 

په کندهار کې سږ کال د جوارو په حاصلاتو کې لس سلنه زیاتوالی راغلی دی. د دغه ولایت د کرنې او مالدارۍ ریاست وايي، چې سږ کال یو شمېر کروندکرو په خپلو ځمکو کې جوار کرلي، چې ورسره ددې ولایت د جوارو کروندې ډېر شوي او د تېرکال په پرتله به د جوارو په حاصلاتو کې لس سلنه زیاتوالي رامنځته شي.
بزګران وايي، چې د حاصلاتو کچه يې ښه وه، چې لامل یېد کرنې رياست له لوري پر وخت دوى ته اصلاح شوي تخمونه او نور امکانات رامنځته کول دي، او که له دوی سره د مرستې ډېر شي د دوى د حاصلاتو کچه به څو برابره نوره هم لوړه شي.
سږ کال د کندهار بزګرانو ۸۵۰ هکټاره مۍ، ۱۸۰ هکټاره سویابین، ۱۶۰ هکټاره لوبیا او ۵۵۰۰ هکټاره د جوارو کرکېله کړي چې د تېر کال په پرتله د جوارو په کرکېله کې ۱۰ سلنه زیاتوالې راغلي. 
د یادونې وړ ده چې کندهار کې دتېر کال په پرتله د جوارو ترڅنګ د ریحانو په کرکېله کې هم د پام وړ زیاتوالې راغلي وو او ډېری کروندګر جوار او ریحان د کوکنارو ښه بدیل یادوي.