د ننګرهار کانال شرکت په خوست کې خپله څانګه پرانیستله
د ننګرهار کانال شرکت چاراوکي وایي، چې هېوادوالو ته د اسانتیا، د زیتونو تېل، اچارو او د زیتونو فابریکې بېلابېلو تولیداتو ته د بازارموندنې په موخه خوست کې خپله څانګه پرانیستله.
د ننګرهار کانال شرکت رییس مولوي غلام الرحمن کظيم وویل، چې دا چاره د زيتونو فابريکې توليداتو لپاره د هېواد دننه او بهر د پلور او بازار موندنې په موخه ترسره شوې ده.
د ننګرهار کانال شرکت د زیتونو فابریکې دغه څانګه د خوست ښار کې پرانیستل شوه، چې په کې ددې فابریکې تولید شوي اچارو، د زتونو تېل، صابون او نور تولیدات پلورل کېږي.
باید وویل شي، چې څو ورځې وړاندې د زيتونو فابرېکې توليداتو لپاره په پلازمېنې کابل کې هم نوی څانګه پرانیستل شوه.
