کندهار کې د طبي بوټو د قاچاق مخه ونیول شوه
۱۷ زمری ۱۴۰۳ه.ش
۳ صَفَر المُظَفَّر ۱۴۴۶ه.ق
دکندهار ولایت د کرنې، اوبولګولو او مالدارۍ ریاست وایي، چې ددې ولایت د نېش په ولسوالی کې د اوښۍ طبي بوټو د قاچاق مخه ونیول شوه.
دا په داسې حال کې ده، چې په دې ولایت کې د اوښي بوټي څخه په مسلکي ډول د ګټې اخستنې په پار له شرکتونو سره قرارداد لاسلیک شوی دی.
د اوښي طبي بوټو څخه د استفادې کولو په منظور د کرنې وزارت د ځانګړي طرزالعمل له مخې د ولایت مقام په همکارۍ ګټه اخیستل کېږي، چې د قراداد پیسې به یې په اصولي ډول د اسلامي ام.ارت د وارداتو حساب ته جمعه کېږي.
