لغمان کې د ځمکې غصب او غصب شويو ځمکو بېرته راکرځولو کمېټې غونډه دائره شوه
۱۵ زمری ۱۴۰۳ه.ش
۱ صَفَر المُظَفَّر ۱۴۴۶ه.ق
لغمان کې د ځمکې غصب او غصب شويو ځمکو بېرته راکرځولو کمېټې غړو د لغمان دارشاد، حج او اوقافو رییس مولوی فیض محمد حقاني په مشرۍ د ددې ولایت دکرنې ریاست کې خپله غونډه دائره کړه.
د غونډې په پیل کې د ګډ تخنیکي پلاوی د غړیو په مشرۍ د ارشاد حج اوقافو رییس مولوي فیض محمد حقاني د تېرې غونډې د پرېکړو دتطبیق په اړه ارزونه وکړه او وې ویل هغه ساحې چې تراوسه پورې د فني پلاوی لخوا نه دي لیدل شوي باید ژر تر ژره یې فني پلاوی له نږدې وګوري او د رهنمود مطابق یې ترتیب او مرکزي کمېسیون ته یې واستوي.
دغه راز په دې غونډه کې د قضایې امارت دامر لخوا په اجنډا کې د شاملو موضوعاتو په اړه معلومات وړاندې شول.
په یاده ناسته کې د مرکز کټل، د قرغیو ولسوالی د صفوخېلو، کاکڅ، د دولت شاه ولسوالی او د مرکز اړوند د علي خېلو دسیمې د خلکو د ځمکو په سر دوسیې با ندې بحث او خبرې وشوې بیا د دواړو لورو څخه څرګندونې واورېدل شوې او د نوي کار د بندېدو په اړه استعلامونه ورکړل شول.
په پای کې یو شمېر هغه دوسیې چې د محکمې اړوندې وې محکمې ته او هغه دوسیې چې کرنې ریاست پورې مربوط وې اړوندو مراجعو ته واستول شوې.
په پای کې دچارو د لا ښه پرمختک په موخه لازم تصمیمونه ونیول شول.
