د عشر او زکات ټولولو لوی رییس دفراه ولایت له والي سره وکتل
۳ زمری ۱۴۰۳ه.ش
۱۸ مُحَرَّمُ الحَرام ۱۴۴۶ه.ق
د کرنې، اوبولګولو او مالدارۍ وزارت دعشر او زکات راټولولو لوی رییس مولوي محب الله انعام د عشر او زکات راټولولو په برخه کې د سیمه ییزو چارواکو د همکارۍ د ترلاسه کولو په موخه فراه ولایت ته د خپل سفر په ترڅ کې ددې ولایت له والي مولوی غوث الدین رهبر سره په کتنه کې د عشر او زکات ټولولو په پرخه کې د ستونزو او ننګونو پر هوارولو خبرې اترې وکړې.
د کرنې وزارت دعشر او زکات راټولولو لوی رییس مولوي محب الله انعام د فراه والي او سیمه ییزو چارواکو څخه وغښتل، چې د عشر او زکات د راټولولو په برخه کې دې د دې ریاست له سیمه ییزو کارکوونکو سره مرستې او همکاري وکړي.
په همدې حال کې، د فراه ولایت والي مولوی غوث الدین رهبر دکرنې وزارت دعشر او زکات راټولولو لوی رییس مولوي محب الله انعام ته په یاده برخه کې د هر ډول همکارۍ ډاډ ورکړ.
د کرنې وزارت د عشر او زکات ټولولو لوی رييس د کرنې وزير مولوي عطاء الله عمري په لارښوونه د دغه رياست د کارکوونکو د يوه پلاوي په مشرۍ فراه ولايت ته سفر کړی دی.
