د نورستان مرکز کې سلګونو مالدارانو ته د څارویو خوراکي توکو وېش لړۍ پیل شوه
۲۷چنګاښ ۱۴۰۳ه.ش
۱۱ مُحَرَّمُ الحَرام ۱۴۴۶ه.ق
د نورستان دکرنې، اوبولګولو او مالدارۍ ریاست د ملګرو ملتونو دخوړ او کرنې ادارې په مالي او د «سو» مؤسسې په تخنیکي همکارۍ ددې ولایت د مرکز پارون پر سلګونو مالدارانو د څارویو د خوراکي توکو وېشل لړۍ پیل کړی دی.
د نورستان دکرنې، اوبولګولو او مالدارۍ ریاست چارواکي وایي، چې ددې پروسې په لړ کې د نورستان ولایت مرکز پارون په بېلابېلو سیمو کې پر ۴۰۰ مالدارانو د څارویو خوراکي توکي وېشل کېږي.
د دوی په خبره ددې مرستې په ترڅ کې، هر مالدار د څاریو ۲۰۰ کیلوګرامه خوراکي توکي ترلاسه کوي.
دوی وویل، چې دغه پروګرام په نورستان کې د مالدارانو د لاس نیوی، د مالدارۍ سکټور د پیاوړتیا او د لبني محصولاتو د زیاتوالي په خاطرترسره شوی دی.
ویل کېږي برابرشوي خوراکي توکي له زیاتوتغذیه کوونکو توکوڅخه جوړشوی دی، چې د وزو، وري او غوا په چاقولو کې به اساسي رول ولري.
