علینګار ولسوالی ته د لغمان دکرنې رییس سفر
۵ چنګاښ ۱۴۰۳ه.ش
۱۸ ذیالحِجّة ۱۴۴۵ه.ق
دلغمان د کرنې، اوبولګولو او مالدارۍ رییس مولوي عبدالستار محمد علینګار ولسوالی ته په داسې حال کې سفر وکړ چې د یاد ریاست د ځمکوالۍ امر مولوي ګل رسول زبیر او د عشر او زکات د راټولولو امر قاري ذبیح الله هشام یې ملتیا کوله.
د دې سفر په ترڅ کې نوموړي د کرنیزو چارو مدیریت له کارمندانو، کروندګرو او مالدارانو سره جلا جلا ناستې وکړې.
د لغمان دکرنې رییس د علینګار ولسوالی د کرنې کارکوونکو ته وویل: «دکروندګرو، مالدارانو او عام ولسونو ستونزو ته په وخت رسېدنه وکړئ، خپلې چارې په همغږۍ ترسره، متوازن خدمات ولسونو ته وړاندې کړئ.»
دغه راز نوموړي کارکوونکوي خپلو دندو ته متوجي کړل، د دوي ستونزې واوریدې او دوی ته یې د ستونزو د حل په اړه ډاډ ورکړ.
همداراز د یاد سفر په ترڅ کې د لغمان دکرنې رییس له کروندګرو او مالدارانو سره ولیدل او د دوی ستونزې له نږدې واوریدې او دويی ته د هراړخیزې همکارۍ ډاډ ورکړ.
په ورته مهال کروندګرو او مالدارانو د لغمان د کرنې رییس څخه مننه وکړه، چې علینګار ولسوالی ته یې سفر کړی او د دوی ستونزې یې له نږدې واوریدې.
