د ننګرهار مرستیال والي خلکو ته؛ د غصب په مخنیوی کې همکارۍ وکړئ
۳ چنګاښ ۱۴۰۳ه.ش
۱۶ ذیالحِجّة ۱۴۴۵ه.ق
د ننګرهار مرستيال والي مولوي سعيد احمد بنوري او د ننګرهار د کرنې، اوبولګولو او مالدارۍ رییس مولوي محمد ولي محسن د شينوارو ولسوالی ګلايي سيمې له مخورو مننه وکړه، چې په ياده سيمه کې يې د غصب په مخنيوی کې مسئولينو سره همکاري وکړه. همدا راز يې پر ولسونو غږ وکړ چې د غصب شويو ځمکو بېرته راګرځولو او غصب مخنيوي کې ور سره مرسته وکړي.
د ننګرهار مرستیال والي وویل، چې امارتي ځمکې د ټول ملت مشترک حق دی، چې بايد په کې ټولګټي چارې تر سره شي او زياته يې کړه چې هيچاته د ځمکو غصبولو اجازه نه ورکول کېږي او سرغړونکو پر وړاندې جدي قانوني اقدامات تر سره کېږي.
د ننګرهار غصب مخنيوي تخنيکي پلاوي مشر او د کرنې رییس مولوي محمد ولي محسن وويل، چې دوی د غصب شويو ځمکو په راګرځولو کې جدي دي او په دې برخه کې د هيچا عذر نه منل کېږي.
نوموړی وويل، چې ګلايي سيمه کې به د غصب شوې ځمکې اړوند دوسيه وڅېړي او په اړه به يې قانوني اجرات تر سره شي.
ښاغلي محسن وویل د شینوارو ولسوالی د ګلایې سیمي ته تخنیکي کارکوونکي ورلیږو، ترڅو دیادې سیمي مشخصات، سکیج، کروکې او جریبې مساحت واخلي او تر هر اړخیزې څیړنې وروسته به یې د غصب مخنیوي مرکزي کمیسیون ته د ورستي اجرآتو په موخه واستوو.
