د ننګرهار کانال شرکت رییس د افغانستان د کرنې او مالدارۍ تولیداتو خونې د دارالنشاءرییس سره وکتل
۲۱ غبرګولی ۱۴۰۳ه.ش
۳ ذیالحِجّة ۱۴۴۵ه.ق
د ننګرهار دکانال شرکت رییس مولوی غلام الرحمن کظیم د افغانستان دکرنې او مالدارۍ تولیداتو خونې د دارالنشاء رییس انجنیر محمد قاسم یوسفي سره په کتنه کې د چارو پر لا همغږۍ او بېلابېلو موضوعاتو خبرې اترې وکړې.
ددې کتنې په ترڅ کې دواړو خواوو د ګډکار، زیتونو تېلو او اچارو پلور، د زیتونو فابریکې او بڼونو رغونه، د نورو ولایتونو د پانګوالو هڅونه او د کورني اقتصاد پیاوړتیا په هکله خبرې وکړې.
په همدې حال کې د افغانستان دکرنې او مالدارۍ تولیداتو خونې د دارالنشاء رییس انجنیر محمد قاسم یوسفي د ننګرهار دکانال شرکت رییس مولوی غلام الرحمن کظیم ته د هر اړخیزې همکارۍ ډاډ ورکړ.
