هلمند کې مورنیو بڼونو له قوریو څخه څارنه ترسره شوه
۷ غبرګولی ۱۴۰۳ه.ش
۱۸ ذوالقعده ۱۴۴۵ه.ق
د هلمند ولایت د کرنې، اوبولګولو او مالدارۍ ریاست اړوند د تخمونو تصدیق ورکولو آمریت کارکوونکو لخوا، په داسې حال کې چې د کرنې وزارت څخه راغلیو مسلکي کارکؤنکو یې هم ملتیا کوله مرکز لښکرګاه او ناوې ولسوالی که له پنځه بابه مورنیو بڼونو لیدنه او ارزونه ترسره کړه .
ددغې ارزونې پر مهال د انګورو، انارو، انځرو او شفتالو له نیالګیو د نباتي ناروغیو د تشخیص په موخه نمونې واخستل شوې، دغه نمونې به په لابراتوار کې وکتل شي، ترڅو ناروغۍ یې تشخیص او بیا به یې کرونده ګرو ته د درملنې په اړه لازمې توصیې ترسره شي.
دغه مورني بڼونه د هلمند د کرنې ریاست په همکارۍ د خصوصي سکتور لخوا په دې موخه روزل شوي دي، ترڅو د اړتیا پر مهال ورڅخه اصلاح شوي پیوند ترلاسه او په نورو نیالګیو کې ولګول شي.
