د هلمند ګرشک کې د نیالګیو روزلو قوریې چارې وارزول شوې
۵ غبرګولی ۱۴۰۳ه.ش
۱۶ ذوالقعده ۱۴۴۵ه.ق
د هلمند ولایت د کرنې، اوبولګولو او مالدارۍ ریاست مقام په لارښؤنه، د طبیعي سرچینو امریت آمر قاري مولوي دین محمد مغفور او ورسره مل پلاوی، په داسې حال کې چې د ګرشک ولسوالۍ د کرنیزو چارو مسول مولوی رحیمي یې هم ملتیا کوله، د ګرشګ مرکزي قوریی له چارو څخه لیدنه او ارزونه تر سره کړه.
د یاد سفر پر مهال د طبیعي سرچینو امر د نیالګیو روزلو د قوریې چارې وارزولې او د وروستیو پرمختګونو په اړه یې د ځایي مسؤلینو د کړنو ستاینه وکړه. هغه همدارنګه په یاده برخه کې د مسؤلینو غوښتنې، اړتیاوې او وړاندیزونه واورېدل او ژمنه یې ورکړه، چې دکرنې ریاست مقام سره په همغږۍ به یې ستونزو ته پر وخت رسېدنه ووشي.
دیادولو وړ ده، چې د ګرشک د نیالګیو روزنې قوریه کې زرګونه نیالګي تر روزنې لاندې دي، چې روان ۱۴۰۳ کال کې به پر بڼوالو او ځمکوالو ووېشل شي.