د هلمند دکرنې رییس ګرشک ولسوالی کې کرنیزې چارې وارزولې
دهلمند ولایت د کرنې، اوبولګولو او مالدارۍ رییس الحاج مولوي نیازمحمد وهاج د یاد ولایت ولسوالیو ته د سفرونو په لړ کې د ګرشک ولسوالی کرنیزې چارې و ارزولې .
د هلمند دکرنې رییس په پیل کې د ګرشک ولسوالی کرنیزو خدمتونو مسؤل مولوی رحیمي او اړونده کارمندانو سره ولیدل، ددوی ستونزې او وړاندېزونه یې واورېدل او د حل په برخه کې یې د اصولي کړنو ډاډ ورکړ.
ښاغلي وهاج همدارنګه ګرشک کې د یو شمېر عامو ولسي وګړو سره هم په لیدنه کې د یادې ولسوالی د کرنې سکتور پیاوړتیا په برخه کې د زراعتي برنامو پلي کولو ژمنې وکړې.
د هلمند د کرنې رییس د یاد سفر په لړ کې په دغه ولسوالی کې د امارتي ځمکو د غصب مخنیوی، د عامو ولسي وګړو ستونزو ته د رسیدنې او په مساویانه توګه د کرنیزو چوپرړتیاوو وړاندې کولو برخه کې مسؤلینو ته لازمې سپارښتنې وکړې.
