سروبي کې د نویو پروژو پلي کولو په پار د همغږۍ غونډه دائره شوه
د کابل دکرنې، اوبولګولو او مالدارۍ ریاست چارواکي وایي، چې ددې ولایت د سروبي په ولسوالی کې د روپاني بنسټ په همکاۍ دکرنې او مالدارۍ په برخه کې نوي پروژې پلي کېږي.
دغه پروژې چې د سروبي ولسوالی په بېلابېلو سیمو کې د پلي کېدو په درشل کې ده د یادو پروژو د کار د پیل په موخه د سروبي دکرنې مدیریت او د روپاني بنسټ چارواکو ترمنځ د چارو د همغږۍ په موخه غونډه دآئره شوه.
په دې غونډه کې د سروبي دکرنې ادارې چارواکو د روپاني بنسټ مسوولینو ته د هر ډول همکاريو ژمنه وکړه.
بلخوا د سروبي د کرنې او مالدارۍ مدیریت چارواکو د نغلو اړوند کانالونو او کب روزنې نویو فارمونو جوړولو په موخه له ټاکل شویو سیمو څخه لیدنه وکړه.
د سروبي دکرنې مدیریت د چارواکو په خبره په نږدې راتلونکې کې به په دې سیمه کې د کب روزنې څلور فارمونه جوړ شي.
