فراه کې د مالدارۍ سکټور معیاري کولو په پارهڅې؛ فارم لرونکو ته روزنیز پرورګرام دائر شو
۲ غویی ۱۴۰۳ه.ش
۱۲ شَوّال المُکَرَّم ۱۴۴۵ه.ق
د فراه دکرنې، اوبولګولو او مالدارۍ ریاست ددې ولایت د مالدارۍ سکټور معیاري کولو په موخه د هلو ځلو په دوام، د «ډياېآی» مؤسسې په همکارۍ ددې ولایت د چرګانو اوغواګانو فارم لرونکو ته څلور ورځنۍ روزنیز پروګرام پیل کړی دی.
د فراه دکرنې او مالدارۍ ریاست د چارواکو په خبره ددې پرورګام په ترڅ کې ددې ولایت د چرګانو او غواګانو ۶۰ فارم لرونکو ته د کمپوسټ جوړولو د لارو چارو ښودلو ترڅنګ پر دوی د کمپوسټ جوړولو اړین توکي او ترڅنګ یې سپینه سره هم وېشل کېږي.
ددې پروګرام موخه د فارم لرونکو د پوهې کچه لوړول او په ټوله کې ددې ولایت د مالدارۍ سکټور ودې او پراختیا ته زمینه برابرول دي.
