د ننګرهار شینوارو کې حيواني او نباتي درمل پلورنځي وڅارل شول
د ننګرهار د کرنې، اوبولګولو او مالدارۍ رياست اړوند د شینوارو ولسوالی د څارویو روغتیا او بوټو ساتني مدیریتونو له لورې، ددي ولسوالی په مربوطاتو کې دحيواني او نباتي درمل پلورونکو هټيو څخه څارنه او کنټرول ترسره شوه.
د دغه کنټرول موخه د بې کيفيته او تاريخ تېرو درملو پلور، په خپل سر د هټيو پرانیستل او د غير قانونې درمل او واکسینونو د واردولو مخنيوي دی.
ددې کنټرول په پايله کې يو شمېر هغه هټۍ چې د فعاليت جواز وخت يې تېر و او یایې جوازونه نه درلودل سپارښتنه ور ته وشوه، چې خپل جوازونه واخلي او یایې نوي کړي او ترڅنګ يې يوه اندازه تاريخ تېر درمل ورڅخه راټول شول.
همدارنګه سپارښتنې ورته وشوې چې په راتلوونکې کې د غير معياري هټيو د پرانستلو، د بې کيفيته درملو او واکسینو د پلور او واردولو څخه په کلکه ډډه وکړي.
دغه راز د مصنوعي القاح تطبیق کوونکو ډاکترانو ته د ښو او غوره استراګانو د کارولو ترڅنګ د مالدارانو اقتصادي وضعیت درک او له هغوي سره دغوره انساني چلند ترسره کولو هیله وکړه.
